ನನಗಾಗಿ

ಬಿದ್ದಂತಿಹುದು ಆಲಿಕಲ್ಲು ಕನಸಿನಲಿ

ಬಿತ್ತಿಹಳಾ ರಾಗವ ಮನಸಿನಲಿ

ಇರುವ ಹೊತ್ತು ಜೊತೆಗಿದ್ದು, 

ಕರಗಿ ಹೋದಾಳೆಂಬ ಭಯ |

ಕಣ್ಬಿಟ್ಟರೆ ಮಳೆಯೋ ಮಳೆ

ಹರಿದಿಹಳು ಕೈಸಿಗದೆ ಝರಿಯಾಗಿ-ನದಿಯಾಗಿ

ಒಡೆದಿತ್ತು ಕನಸುಗಳು ನೂರಾಗಿ ಅವಳ ನೆನಪಾಗಿ ... !!

***

ಕಪ್ಪು ಕಮಲವ ಅರಳಿಸಿ

ನೋಟ ಬಂದೀತೆಂಬ ಹಂಬಲ

ಎದುರಿದ್ದರೂ ಬಾರದ ನೋಟ

ಎಲ್ಲೆಲ್ಲೂ ಕನಸುಗಳ ಹಾವಳಿ

ಒಂದೂ ನನಸಾಗುವ ಸುಳಿವಿಲ್ಲ

ಹುಚ್ಚುಕೋಡಿ ಮನಸಂತೂ ಹರಿದಿದೆ

ಅರಸುತ ಹೃದಯದ ಪೀಠ ... !!

***

                            ಚಿತ್ರ ಕೃಪೆ: ಗೂಗಲ್

:ಒಂಬಗೆಯ ಮೋಹ:

ಇತ್ತಿಂದೇನೂ ಹೇಳದೇ,

ಅತ್ತಿಂದೇನೂ ಇಲ್ಲದೆ,

ನೋಡಿ ನೋಡಿ ಸಂತೃಪ್ತನಾಗಿ,

ಇದ್ದ ನಾಲ್ಕ್ ವರುಷ ಮುಳುಗಿ,

ಉಳಿದೆಣಿಕೆಯ ದಿನಗಳಲಿ,

ಬೇಕೋ-ಬೇಡವೋ ಎಂಬ ದ್ವಂದ್ವದಲಿ,

ಮನದಾಳದಲ್ಲಚ್ಚೆ ಒತ್ತಿಹ ಮೊದಲ ಪ್ರೀತಿಯ,

ಸುಂದರ ಕನಸುಗಳ ರೂವಾರಿಯ,

ಮೆಲುಕು ಹಾಕುತ್ತಾ ಸಾಗುವುದೋ?!

ಹೇಳಿ ಏನಾದರೊಂದು ಮಾಡುವುದೋ?!

.

.

ಕನಸುಗಳ ಮಾರಿ ಏಕಾಂಗಿಯಾಗುವುದೋ?!

Note: Originally written in July month of 2016, Later merged to one post, while rearranging the articles. (17th June 2017)