ಚೀಲ

ಕನಸುಗಳು ಚೂರಾಗಿ,

ದಾರಿಯೇ ಮರೆಯಾಗಿ,

ಬದುಕಿನಾಸರೆಯೇ ಇಲ್ಲದಿರೆ,

ಎತ್ತ ಹೋಗುವುದು?!

ಎಲ್ಲಿ ಉಳಿಯುವುದು?!೧!!

ಓಡುತ್ತಿದ್ದ ಕುದುರೆ - ಓಡೋಡಿ ಸಾಕಾಗಿ,

ನಡೆದು - ಕುಂಟಿ - ಕುಸಿದು ಬಿದ್ದಿದೆ,

ಎಬ್ಬಿಸುವ ಸ್ಫೂರ್ತಿಯೊಂದು ಬೇಕಾಗಿದೆ,

ಆದರೆ ಅದೆಲ್ಲೂ ಕಾಣದಾಗಿದೆ!!೨!!

ಎಂದಿಗೂ ಜೊತೆ ಬಾಳುವವರಿಗಿಂದು

ಜೀವ ಬೇಡವಾಗಿದೆ,

ಸ್ವಪ್ನ ಚೀಲ ಹೊತ್ತ ಮನವು

ಹೆಗಲೊಂದಿಲ್ಲದೆ ಸೊರಗಿದೆ!!೩!!

ಯಾರಿಗೇನೊಲಿದರೇನಂತೆ?

ಕೊನೆಗುಳಿಯುವುದು ನಿನಗೆ ನೀನೆ,

ಆದರೇನಂತೆ ಈ ನೆಲದಲ್ಲಿ,

ಚೀಲವ ತೂರದಿರೆ ಉಳಿಗಾಲವಿಲ್ಲ!!೪!!